Bono Emancípate
Unha iniciativa da Consellería de Cultura, Lingua e Xuventude, a través da Dirección Xeral de Xuventude, que ten por obxectivo que os mozos e as mozas galegos/as, de entre 18 e 35 anos, conten cun incentivo económico á hora de independizarse, xa sexa nunha vivenda alugada ou en propiedade.
A ter en conta
- Prazo de presentación de solicitudes: desde o 6 de febreiro ata o 30 de abril de 2025, ambos incluídos, salvo previo esgotamento do crédito.
- Persoas beneficiarias: mozos e mozas que teñan entre 18 e 35 anos no momento de solicitar a axuda e que cumpran os requisitos establecidos nas bases reguladoras.
- A contía total da axuda é de:
- 1.500 € para as persoas que soliciten a axuda na súa condición de arrendatarias.
- 3.000 € para as persoas que teñan adquirido unha vivenda en propiedade.
- Tanto o contrato de alugamento como a escritura pública de compravenda, segundo o caso, teñen que ser posteriores ao 31 de maio de 2024 e, en todo caso, anteriores á data de remate do prazo de solicitudes.
- Trátase dunha tarxeta moedeiro virtual expedida a nome da persoa beneficiaria e que non poderá empregarse en compras a distancia nin ser usada máis alá do 31 de decembro de 2025.
- Onde poderá empregarse? En establecementos de venda de mobiliario, de electrodomésticos, tendas de decoración e outros establecementos especializados, grandes superficies, empresas de mudanzas, xestorías e notarías, que teñan establecemento aberto no territorio da Comunidade Autónoma de Galicia, para os gastos incluídos na orde reguladora.