Illas Cíes e Illas Ons
Tempada alta
Semana Santa e do 15 maio-15 setembro
Nesta época é preciso obter unha autorización administrativa (gratuíta) + billete nunha navieira autorizada.
Os pasos a seguir son:
- Autorización administrativa: poderás xestionar a túa autorización e obterás un código de pre-reserva provisional para adquirir o teu billete de transporte nunha navieira autorizada.
- Billete: poderás compralo nunha das navieiras autorizadas.
- Navieira autorizada: os contactos das navieiras poderanse consultar no apartado Contactos – Navieiras/Empresas de transportes ás Illas Cíes ou Illas Ons, que atoparás ao final desta mesma páxina.
- Autorización definitiva: unha vez adquirido o billete nunha navieira autorizada, recibirás na dirección de correo electrónico proporcionada a autorización administrativa definitiva (ou poderás descargala nesta páxina).
Tempada baixa
Resto do ano.
Só se poden visitar as illas Cíes ou as Ons en grupo organizado con guía, polo que as persoas visitantes deben contactar coas navieiras autorizadas que organizan os grupos de visita.
A ter en conta
- Autorización: poderás realizala ata con 90 días de antelación.
- Pre-reserva provisional: tras conseguir o código, terás un tempo de dúas horas para adquirir o teu billete de transporte nunha navieira autorizada. Pasado ese tempo, de non comprar o billete, terás que volver a xestionar a autorización.
- Autorización definitiva: imprímea ou lévaa no móbil pois serache solicitada no momento do embarque.
- Billete en papel: recorda que debes achegarte á caseta da navieira previamente ao embarque para recoller o teu billete.
- Anulacións: as anulacións soamente se poderán realizar cunha antelación mínima de 15 días con respecto á data da visita.