Bono Concilia Familia
O Bono Concilia Familia é unha axuda directa que contribúe a financiar servizos de conciliación contratados polas familias con nenos e nenas de ata 13 anos durante as vacacións escolares ou ante necesidades puntuais. Cobre a contratación dunha persoa coidadora a domicilio, campamentos, ludotecas ou outros servizos autorizados pola Consellería de Política Social e Igualdade.
A ter en conta
- O prazo de presentación de solicitudes é dende o 08 de setembro ata o 08 de outubro de 2025
- Poden beneficiarse as familias con nenos e nenas de entre 4 e 13 anos (nacidos entre o 01/01/2012 e o 31/12/2021) que teñan a súa residencia en Galicia e precisen dun recurso para cubrir necesidades puntuais de conciliación polas obrigas laborais, persoais ou as responsabilidades familiares.
- Os requisitos para solicitalo son:
- Residir en Galicia
- Ter un fillo/a de entre 4 e 13 anos (nacidos entre o 1/1/2012 e o 31/12/2021)
- Que ambos proxenitores traballen no período solicitado (ou un no caso das familias monoparentais)