Bonos Activa Comercio
A Xunta de Galicia pon en marcha a segunda convocatoria do Bono Activa Comercio deste ano 2024, unha iniciativa para incentivar o comercio de proximidade.
Cada cliente disporá como máximo dun bono desconto por un importe de ata 30 € que poderá empregar nun ou varios dos comercios retallistas adheridos ao programa.
A ter en conta
- Trátase dun bono por valor de 30 €. En función do importe das compras, poderán obterse os seguintes descontos:
- 5 € en compras iguais ou superiores a 20 € e inferiores a 30 €
- 10 € en compras iguais ou superiores a 30 € e inferiores a 50 €
- 15 € en compras iguais ou superiores a 50 €
- Todas estas contías enténdense co IVE incluído
- Estarán dispoñibles para a súa descarga na web www.bonosactivacomercio.gal desde o 04/11/2024 ata o 31/12/2024 (salvo esgotamento previo do crédito do programa)
- Terá a consideración de bono desconto e o importe irase consumindo en función do valor da compra
- Para empregalo terá que dirixirse a un dos establecementos adheridos
- Non será aplicable o troco dos bonos para as compras en liña