Se vai pasar as festas de Nadal só e ten máis de 60 anos, poderá compartir celebración, actividades e bos momentos con outros maiores nas residencias de tempo libre da Xunta.

Ofrécese aloxamento en réxime de pensión completa.

Poderá gozalo dende o 24 de decembro de 2024 ata o 7 de xaneiro de 2025.

No caso de quedar prazas sen adxudicar, valorarase dar media quenda (do 24 de decembro ao 30 de decembro de 2024, ou do 31 de decembro de 2024 ao 7 de xaneiro de 2025).

Convócanse 270 prazas repartidas en dúas residencias:

• Panxón
• O Carballiño

O prazo para a presentación de solicitudes remata o día 25 de novembro de 2024 (incluído).